31/01/2012

İlk dəqiqələrdən oyuna biz diqtə etdik. Əks hücumlarımız da istədiyimiz kimi alındı. Bu sözləri "Neftçi"nin hücumçusu Bahodir Nasimov "Poloniya" ilə görüşdən sonra paytaxt klubunun rəsmi saytına deyib.

"Qələbə qazanmaqla finala çıxmaq şansımızı da saxladıq. Üstəlik qrupumuzun digər matçında "Paxtakor" klubu, "Metallist"ə qalib gəlib. Deməli bütün klubların şansları bərabərdir. Çalışacağıq ki, "Paxtakor"la qarşılaşmada da 3 xal əldə edək", - Nasimov bildirib.

"Neftçi" PFK Çeçenistan Respublikasının mərhum prezidenti Əhməd Kadırovun xatirəsinə həsr olunmuş beynəlxalq turnirdə ikinci oyununu keçirib. Flaqman 3 xalı vurduğu 3 qolla qazanıb - “Neftçi” 3:1 “Poloniya”. Klubumuzun qollarına Bahodir Nasimov (2) və Cavid İmamverdiyev imza atıblar.