21/02/2012

Nəticənin belə olacağını gözləmirdim. Son dəqiqələrdə vurulan qol bizim üçün sürpriz oldu.

Qol.Az-ın məlumatına görə, bu sözləri “Qəbələ”yə məğlubiyyətdən (1:2) sonra “Xəzər Lənkəran” klubunun baş məşqçisi Cüneyt Biçər deyib.

Türkiyəli mütəxəssis komandasının pis oynamadığını bildirib: “Futbolda belə hallar olur”.

Kamran Ağayevin bugünkü matçda oynamaması ilə bağlı isə Biçər deyib ki, qapıçının dünən axşam hərarəti qalxıb: “Biz Kamranın hərarətinin enməsi üçün ona iynə vurduq. Bununla belə, Kamranın qızdırması enmədi. Bu səbəbdən onu ehtiyatda saxlamağa məcbur olduq”.

Sonda Biçər komandanın yeni transferlərinin oyunu haqda danışıb: “Mənim istədiyim futbolu sərgiləyə bilmədilər. Onlara uyğunlaşmaq üçün bir qədər zaman lazımdır”.