23/02/2012

Milli komandanın bu gün Dubayda başlanan toplanışında iştirak etməklə bağlı AFFA-nın təklifindən imtina edən “Qarabağ”ın baş məşqçisi Qurban Qurbanov qərarını dəyişib.

Qol.Az-ın xəbərinə görə, Ağdam klubunun çalışdırıcısı millimizin fevralın 29-da Fələstinlə keçirəcəyi yoxlama oyununu birbaşa stadiondan izləyəcək.

Müxbirimizlə söhbətində “Qarabağ”ın mətbuat xidmətinin rəhbəri Nurlan İbrahimov məlumatı təsdiqləyib. O qeyd edib ki, Q.Qurbanov bütün toplanış boyu yox, yalnız bir gün Dubayda olacaq.

Qeyd edək ki, Qurban Qurbanov Dubaya fevralın 28-də yola düşəcək.

Xatırladaq ki, AFFA-nın toplanışı izləməklə bağlı dəvətinə cavab olaraq Q.Qurbanov bildirmişdi ki, komandasının hazırlıq prosesiylə əlaqədar Dubaya gedə bilməyəcək.