22/02/2012

İlk öncə rəqib komandanın baş məşqçisini təbrik edirəm. Komandanın 6-7 zədəli futbolçusu var. Bu səbəbdən də seçim etməyə imkanımız olmadı. Ehtiyat oyunçulardan istifadə etməyə məcbur olduq.

Qol.Az-ın məlumatına görə, bu sözləri "Turan" klubunun baş məşqçisi Əsgər Abdullayev AZAL-la oyundan (2:3) sonra keçirilən mətbuat konfransında deyib.

Abdullayev komandasında çatışmazlıqların olmasına baxmayaraq, yüksək liqada qalacaqlarına inandığını bildirib: "70-ci dəqiqədən sonra komandamızda çatışmazlıqlar ortaya çıxdı. Qarşıdakı oyunlara hazırlaşmağa vaxtımız olacaq. Futbolçularımız üzərinə düşən məsuliyyəti dərk edirlər. İnanıram ki, bu sıxıntıdan qurtularaq, yüksək liqada qalmağı bacaracağıq".