17/01/2012

"Xəzər Lənkəran" Futbol Klubu hücumçu Deyan Rusiçi və yarımmüdafiəçi Mario Rosası transferə çıxarıb. Məlumatı klubun rəsmi saytı yayıb.

Adı çəkilən futbolçularla yolların ayrılması qərarı baş məşqçi Cüneyt Biçer tərəfindən verilib. Biçer bu futbolçuların hazırki səviyyəsinin onu qane etmədiyini əsas gətirərək belə addım atıb. Bu səbəbdən komanda Antalya toplanışına bu iki futbolçusuz gedib.

Hər iki futbolçu keçən ilin avqustundan Lənkəran klubuna məxsusdurlar. 29 yaşlı Deyan Rusiç 15 oyunda "Xəzər Lənkəran"ın şərəfini qoruyub, 31 yaşlı Mario Rosas isə komandanın formasını 10 görüşdə geyib.