Xəbərlər

• "İnter" Samir Zərgərovu transfer edib
  08/06/2011 (163 dəfə oxunub)

  “Kəpəz”in müqaviləsini uzatmadığı Samir Zərgərov, “İnter”lə anlaşıb. Yarımmüdafiəçinin “bankirlərlə” bir illlik sözləşməyə imza atdığı bildirilir. 25 yaşlı Zərgərov, peşəkar futbolçu həyatına “Şəmkir”də başlayıb. Bundan başqa “Ədliyyə”, “Standart” və “Qəbələ” kimi klublarda forma geyinib. Ona AZAL-ın da yaxından maraq göstərdiyi məlum idi. Amma görünür vinqerin tələb etdiyi məbləğ “təyyarəçiləri” razı salmayıb. “İnter” isə onunla ortaq məxrəcə gələ bilib. Maraqlıdı ki, ötən mövsüm məhz Zərgərov indi müqavilə imzaladığı komandanın qapısına Gəncədəki oyunda yeganə qolu vurmuşdu. Mövsüm başa çatması ilə birgə heyətdən 11 futbolçu çıxaran “bankirlərin”, bu ilk transferidi.

• Çempion istirahəti başa vurdu
  06/06/2011 (186 dəfə oxunub)

  “Neftçi”nin futbolçuları istirahəti başa vurmaq üzrədi. “Ağ-qaraların” millinin düşərgəsində olan üzvlərindən başqa hamısı sabah klubun bazasında bir araya gələcək. Ayın 9-dək heyət tibbi müayinədən keçəcək. Ertəsi isə “Neftçi” Çempionlar Liqasına hazırlıq məqsədilə Türkiyəyə yollanacaq. Qardaş ölkədəki təlim-məşq toplanışı ayın 22-dək davam edəcək. Hazırlığın ikinci mərhələsi isə iyunun 26-dan iyulun 5-dək Avstriyada olacaq. Toplanışlar zamanı komanda bir neçə yoxlama oyunu keçirməyi plaşlanşdırır

• “Qarabağ” hazırlığa başladı
  06/06/2011 (162 dəfə oxunub)

  “Qarabağ” yeni mövsümə hazırlığa başlayıb. Dünən bazada toplaşana futbolçular, bu gün 2 məşqlə kifayətləniblər. Ağdamlılar bu minvalla ayın 8-inə kimi Bakıda məşq edəcəklər. İyunun 9-u isə təlim-məş toplanışı üçün Türkiyəyə yollanacaq. İyunun 23-ünə kimi Ankara yaxınlığında yerləşən Qızılcahamamda toplanış keçəcək. “Qarabağ” hələ məşqləri tam heyətlə keçirmir. Müxtəlif millilərin düşərgələrində olan 10-dan çox futbolçu toplanışa bir qədər gec qatılacaq. Millinin üzvlərinə baş məşqçi Qurban Qurbanov ayın 13-ünə kimi istirahət verib.

• “Bankirlər” Türkiyəni seçdi
  06/06/2011 (146 dəfə oxunub)

  Əvvəlcədən bildirildiyi kimi yeni mövsümə hazırlıq çərçivəsində “İnter”in iki təlim-məşq toplanışının keçirilməsi nəzərdə tutulub. Artıq iyunun 23-dən iyulun 11-nə kimi nəzərə tutulan ilk təlim-məşq toplanışının məkanı dəqiqləşib. “Bankirlər”in ilk toplanışı Türkiyənin İsparta şəhərində keçirəcək. Komandanın İsparta şəhərinin hava limanının 50 kilometr aralığında yerləşən “Sirene Devras” otelində məskunlaşacğı bildirilir.

• “Abşeron”da klubdaxili iclas olacaq
  06/06/2011 (182 dəfə oxunub)

  Unibank Premyer Liqasının debütantı “Abşeron” klubunun mövsümöncəsi toplantısı keçiriləcək. Toplantıda 2010/2011-ci ilin mövsümünə yekun vurulacaq, icarə əsasında olan futbolçuların gələcək taleyinə aydınlıq gətiriləcək, komandanın Premyer Liqaya çıxmasında əməyi olan bütün üzvləri ilə gələcək əməkdaşlığın detalları müəyyənləşdiriləcək, yeni transferlər barədə klubun prezidenti Yaşar Rüstəmovla fikir mübadiləsi aparılacaq. Qeyd edək ki, “Abşeron” komandasının bir neçə üzvü müxtəlif yaş qruplarında milli komandadakı çıxışıyla əlaqədar toplantının iyunun 7-də keçirilməsi planlaşdırılıb.

• “Bakı”nın yay planları bəlli oldu
  06/06/2011 (159 dəfə oxunub)

  İddialı klublarımızdan “Bakı”nın yay hazırlıq planı açıqlanıb. Ayının 23-də  Bakıda toplanacaq komanda, bir gün sonra tibbi müayinədən keçəcək. 28-nə kimi paytaxtda hazırlıq keçəcək kollektiv, 28 iyun – 10 iyul aralığında hazırlığını Sloveniyanın Kranjska Qora şəhərində davam etdirəcək. “Spik” mehmanxanasında məskunlaşacaq və hazırlıq dövründə 3 yoldaşlıq oyunu keçirəcək. 10 iyul tarixində paytaxta qayıdacaq bakılılar qarşıdan gələn mövsümün hazırlıqlarını 11-16 iyul tarixlərindək doğma şəhərdə davam etdirəcək. 17 iyuldan etibarən yenidən Sloveniyaya yollanacaq komanda Roqaska Slatina şəhərində 29 iyula kimi sürəcək ikinci toplanışı zamanı 4 yoldaşlıq oyunu keçirəcək.

• Unibank Premyer Liqasının ən intizamlı klubu hansıdı?
  06/06/2011 (164 dəfə oxunub)

  Unibank Premyer Liqasında fair-play cədvəlinə uyğun olaraq ötən mövsümün yekunları məlumdur. 266 xal toplayan Ağdamın “Qarabağ” klubu bu siyahıda birinci olmuşdur. Siyahıda sonuncu yeri isə 217, 95 xalla paytaxtın “Bakı” komandası tutmuşdur. Sıra № Komanda Reytinq xalı 1 Qarabağ 266 2 Turan 246,57 3 Qəbələ 246,2 4 Muğan 246,12 5 Gəncə 245,94 6 Simurq 244,24 7 Xəzər Lənkəran 243 8 AZAL 240,24 9 MOİK 238.99 10 Neftçi 227 11 İnter 225,21 12 Bakı 217,95 32 tur ərzində 32 dəfə sarı vərəqə ilə cəzalandırılan "Qarabağ" futbolçuları mövsümü qırmızı vərəqəsiz başa vurub. 2010/2011-ci il mövsümünün ən intizamsız komandası isə "Bakı" klubudur. Paytaxt komandası cari mövsümdə keçirdiyi Premyer Liqa oyunlarında 67 sarı vərəqə alıb və 7 dəfə qırmızı vərəqə ilə cəzalanıb. Ötən mövsüm üçün Unibank Premyer Liqasının ən intizamsız futbolçuları də məlumdur. Belə ki, "Gəncə" klubunun gürcüstanlı legioneri Zura Dzamsaşvili mövsüm ərzində 12 dəfə sarə vərəqə ilə cəzalandırılıb. Onun komanda yoldaşı Ramal Hüseynov və "Bakı"nın müdafiəçisi Əziz Quliyev ötən mövsümdə hərəyə iki dəfə qırmızı vərəqə alıblar. Sıra № Klub Sarı vərəqə Qırmızı vərəqə 1 Qarabağ 32   2 Turan 43 1 3 Simurq 48 2 4 İnter 56   5 Neftçi 57 1 6 AZAL 54 2 7 Xəzər Lənkəran 59 2 8 Gəncə 60 6 9 MOİK 60 6 10 Muğan 72 3 11 Qəbələ 69 5 12 Bakı 67 7 Qeyd: "İnter" klubunun futbolçusu Kaxaber Mjavanadzenin aldığı qırmızı vərəqə İntizam Komitəsi tərəfindən ləğv olunduğu üçün siyahıda nəzərə alınmamışdır.

• “İnter”dən 11 futbolçu çıxarılıb
  04/06/2011 (193 dəfə oxunub)

  "İnter” daha bir oyunçusu ilə vidalaşıb. “Bankirlər” Danildo Assioli ilə yollarını ayırmağa qərar verib. 30 yaşlı braziliyalı artıq vətəninə dönüb. Bundan əvvəl “İnter”in Tofiq Mikayılov, Səbuhi İsmayılov, Camal Məmmədov, Nizami Hacıyev, David Odikadze, Kaxaber Mjavanadze, Filip Despatovski, Jivko Jelev, Mario Souza və Bronislav Çervenka ilə vidalaşdığı açıqlanmışdı.

• Millilərimiz məğlubiyyətlə üzləşib
  03/06/2011 (190 dəfə oxunub)

  AÇ-2012-nin seçmə mərhələsi A qrupu 3 iyun QAZAXISTAN 2:1 AZƏRBAYCAN Qridin 56, 68. – V.Nadirov 63. AVSTRİYA 1:2 ALMANİYA Arne Fridrix 50-öz qapısına - Qomes 44, 90. BELÇİKA 1:1 TÜRKİYƏ Oqunjimi 4 – Burak 22. 1 Almaniya 6 6 0 0 19 - 2 18 2 Belçika 7 3 2 2 15 - 10 11 3 Türkiyə 6 3 1 2 9 - 7 10 4 Avstriya 6 2 1 3 10 - 10 7 5 Azərbaycan 5 1 0 4 4 - 15 3 6 Qazaxıstan 6 1 0 5 2 - 15 3 Azərbaycan milli komandası Astanada keçirilən oyunda qrupun autsayderinə uduzub. Qazaxıstan millisinin heyətində hər iki qolu debüt oyununa çıxan Sergey Qrindin vurub. Futbolçularımızın gücü yalnız bir topa çatıb. Komandamız növbəti oyunu ayın 7-də Bakıda Almaniyaya qarşı keçirəcək. Millimizin yer aldığı qrupda daha 2 matç baş tutub. Almaniya Vyanadan da qələbəylə dönərək, 6 oyunda 6-cı qələbəsini qazanıb. Ayın 7-də Bakıda qonaq olacaq bundestimin, Ukrayna və Polşada keçiriləcək Avropa çempionatına vəsiqə qazanacağına heç kəs şübhə etmir. Qrupda mübarizə ikinci yer uğrunda gedir. Avstriyanın geri düşdüyü ikincilik savaşında Türkiyə mühüm bir nəticə əldə edib. “Ay-ulduzlular” çətin də olsa Belçika ilə səfər görüşündən heç-heçə ilə ayrılıb. Hətta ikinci hissədə “qırmızı şeytanlar” penaltidən yararlana bilməyib. İtirilmiş xallara görə, qardaş ölkə futbolçuları əsas rəqibini 2 xal qabaqlayır.

• İlham Əliyev FİFA prezidentini təbrik etdi
  03/06/2011 (188 dəfə oxunub)

  Azərbaycan Respublikasının Prezidenti İlham Əliyev Yozef Blatteri yenidən FİFA-nın prezidenti seçilməsi münasibətilə təbrik edib: Beynəlxalq Futbol Assosiasiyaları Federasiyasının (FİFA) prezidenti cənab Yozef Blatterə Hörmətli cənab Blatter, Beynəlxalq Futbol Assosiasiyaları Federasiyasının prezidenti vəzifəsinə yenidən seçilməyiniz münasibətilə Sizi səmimi qəlbdən təbrik edirəm. Bu məsul vəzifəyə seçilməyiniz dünya futbolunun inkişafı, milyonların sevimli idman növünün təbliği və yayılması sahəsində xidmətlərinizə verilən yüksək qiymətdir. Əminəm ki, Azərbaycan ilə rəhbərlik etdiyiniz dünya futbol təşkilatı arasındakı əlaqələr, səmərəli əməkdaşlığımız bundan sonra da müvəffəqiyyətlə davam edəcəkdir. Sizə möhkəm cansağlığı, xoşbəxtlik, yeni-yeni uğurlar diləyirəm. Hörmətlə, İlham Əliyev Azərbaycan Respublikasının Prezidenti 2 iyun 2011-ci il.

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 | 115 | 116 | 117 | 118 | 119 | 120 | 121